टाइम पर्सन अफ द इयर २०१० मार्क जुकर्बर्गलाई

फोटो: www.time.com

विश्वभरका धेरै मानिसहरुको अनुमानलाई गलत तुल्याउँदै टाइमले यस वर्षको “पर्सन अफ द इयर”को उपाधि सामाजिक संजाल फेसबुकका प्रमुख तथा सह-संस्थापक मार्क जुकर्बर्गलाई प्रदान गरेको छ । हरेक बर्ष अमेरिकी पत्रिका टाइमले वर्षभरि सकारात्मक वा नकारात्मक काम गरेर विश्वभर आफ्नो प्रभाव पार्न सक्ने एक मानिस वा संस्थालाई ‘टाइम पर्सन अफ द इयर’को उपाधि दिने गर्छ । हेरक वर्ष झैं यस वर्ष पनि त्यो उपाधि कसले लिने होला भनेर निकै कौतुहलता छाएको थियो । 

यस उपाधिको हकदार छनोट गर्नको लागि टाइमको वेबसाइटमा जनमत पनि संकलन गरिएको थियो ।  जनमतका लागि २५ नाम समावेश गरिएको थियो । हिजो सम्म यस जनमतमा विकिलिक्सका प्रधान सम्पादक तथा संस्थापक जुलियन असान्ज पहिलो स्थानमा, टर्कीका राष्ट्रपति िजेप ताज्जिप एर्डोन दोस्रो र तेस्रो स्थानमा प्रसिद्ध गायिका लेडी गागा थिइन । त्यसतै जुकर्बर्ग भने दशौं स्थानमा मात्र थियो । जनमतलाई हेर्ने हो भने असान्जको र जुकर्वर्गको भोटमा दशौं हजारको भिन्नता थियो । यति हुँदा हुँदै पनि टाइमले जुकर्वर्गलाई नै छनौट गरेको छ । 

नगरोस पनि किन ? टाइम भनेको त अमेरिकाको मुख बराबर नै हो । अहिले मात्र नभइ पहिला देखि नै टाइममा समाबेस भएका सामाग्रीहरु अमेरिकी पक्षमा नै हुने गर्दथियो । अहिले िवकिलिक्सको कारणले गर्दा अमेरिकाको दाँतबाट पसिना झरिरहेको बेला असान्जलाई पर्सन अफ द इयर घोषणा गर्न उनीहरुले आफ्नो पक्षपाती प्रवृतिका साथै अाफूहरु त्यति मूर्ख पनि नभएको र इमान्दार पनि नभएको भनेर पुष्टि गरेका छन् ।


http://www.nepalmandal.com/content/11444.html